Avtobýs 180 metrlik bıiktikten qulap, 21 adam ajal qushty
ASTANA. 28 qyrkúıek. QazAqparat - Úndistanda jolaýshylar avtobýsy 180 metrlik bıiktikten qulap, 21 adam qaza tapty.
Qaza tapqandardyń ishinde 2 júrgizýshi men jolaqy jınaıtyn qyzmetker de bar. Apat Hımachal-Pradesh shtatynda bolǵan. Aldyn ala boljamdarǵa qaraǵanda, avtobýs taýly joldan tómen quldılap kele jatqanda taıyp ketken. Qaıǵyly oqıǵa bolǵan kezde jańbyr jaýyp, jol ústi taıǵanaq bolǵandyǵy da anyqtaldy. Kólik qatty zaqymdanyp, adam deneleri tanymastaı búlingen. Sondyqtan, mert bolǵandardyń jeke basyn anyqtaýda qıyndyqtar týyndap otyr, dep habarlaıdy 24.kz.
