Avtobýs 150 metr bıiktikten qulap, 14 adam ajal qushty
ASTANA. QazAqparat - Úndistannyń soltústiginde avtobýs shatqalǵa qulap, kem degende 14 adam qaza tapty, taǵy 13-i zardap shekti, dep habarlaıdy Nyoooz portaly.
Apat jeksenbi, 18 qarasha kúni Ýttarkashı okrýgindegi taý jolynyń kúrdeli ýchaskesinde bolǵan.
Aldyn ala derekterge qaraǵanda júrgizýshi rýlge ıe bola almaı, kólik 150 metr bıiktikten qulaǵan.
Qazirgi ýaqytta oqıǵa ornynda qutqarýshylar, polıtseıler men dárigerler jumys istep jatyr. Keleńsiz jaǵdaıdyń sebep-saldary tekserilýde.
