Avtobekette terrorıster júr: Óskemende mas áıel polıtsııaǵa jalǵan habar bergen
Óskemen qalasynda mas áıel polıtsııaǵa habarlasyp, avtobekette terrorıster júrgendigi jaıly jalǵan habar berdi, dep habarlaıdy Kazinform.
ShQO polıtsııa departamenti baspasóz qyzmetiniń málimetine súıensek, 4 qańtarda polıtsııaǵa qońyraý shalǵan áıel qaladaǵy avtobekette terrorıster 15 adamdy kepilde ustap otyrǵanyn aıtqan.
«Polıtsııa qyzmetkerleri dereý sol jerge barǵan. Tekserýden keıin shaqyrtqan adam sóziniń jalǵan ekeni anyqtaldy. Orynsyz ázildegen 59 jastaǵy qala turǵyny mas kúıde bolyp shyqty», — delingen aqparatta.
Endi ol QR ÁQBtK-niń 438-baby 1-bóligi (mamandandyrylǵan qyzmetterdi kórineý jalǵan shaqyrý) boıynsha 30 AEK mólsherinde aıyppul tóleıdi.
Osy rette polıtsııa departamenti qoǵamdyq rezonans pen yqtımal saldarlardy eskere otyryp, mundaı quqyq buzýshylyqtar úshin QR QK 273-baby (terrorızm aktisi týraly kórineý jalǵan habarlama) boıynsha qylmystyq jaýapkershilik bar ekenin eskertedi.
Onyń sanktsııasyna sáıkes 5 jylǵa deıin bas bostandyǵynan aıyrý jazasy qarastyrylǵan.
