Avstrııanyń jańa kantsleriniń esimi belgili boldy
NUR-SULTAN. QazAqparat – Avstrııanyń jańa kantsleri qyzmetine buǵan deıin eldiń Syrtqy ister mınıstrligin basqarǵan dıplomat Aleksander Shallenberg taǵaıyndalady. 10 qazan keshinde Avstrııa prezıdenti Aleksander Van der Bellen tilshiler aldynda sóılegen sózinde 11 qazanda Shallenbergten ant qabyldaıtynyn qýattady, dep habarlaıdy QazAqparat dw.com-ǵa silteme jasap.
«Úkimettik daǵdarys aıaqtaldy. Elimiz ıgiligine baǵyttalǵan jumysty jalǵastyrýǵa bolady», - dep málimdedi Avstrııanyń memleket basshysy.
Van der Bellenniń aıtýynsha, ol Shallenbergpen, sonda ı-aq Avstrııanyń vıtse-kantsleri Verner Koglermen sóıleskeninde, olar prezıdentti «bolashaq birlesken jumystyń (Avstrııa úkimetinde – red.) berik irgetasy bar ekenine» sendirgen.
Zańger, kásibı dıplomat Aleksandr Shallenberg 52 jasta, ol birneshe shetel tilin meńgergen. Ol Avstrııanyń burynǵy kantsleri Kýrtstyń baǵytyn, ásirese kóshi-qon problemalaryna qatysty ustanymyn qoldaıdy dep habarlanady.
Óz sózinde Aleksander Van der Bellen Shallenbergpen birge Avstrııanyń jańa Syrtqy ister mınıstri de ant qabyldaıtynyn aıtty. Alaıda onyń esimin ataǵan joq.
