Avstrııalyqtardyń 80 paıyzy óz ómirlerine kóńili tolady - Hans Georg Haınrıh
ALMATY. Qarashanyń 6-sy. QazAqparat /Erlik Erjanuly/ - Avstrııalyqtardyń 70 paıyzdan astamy otbasylyq ómirlerin ózderiniń basty qundylyǵy sanaıdy.
Bul búgin Almatyda ótip jatqan «Qazaqstan Respýblıkasyndaǵy azamattyq qoǵam: ahýaly men bolashaǵy» dep atalatyn halyqaralyq konferentsııa kezinde aıtyldy, dep habarlaıdy QazAqparat.
"Reseıde eldiń bári «Gazprom» men Prezıdent ákimshiliginde jumys istegisi keledi. Avstrııada myńdaǵan «Gazprom» bar. Halyqtyń 80 paıyzy saýalnama qorytyndysy boıynsha óz ómirine razy. Meniń oıymsha, bul álemdik rekord. Daǵdarys jaǵdaıynda da olardyń óz ómirlerine optımızmi basym»", deıdi Eýroodaq - Reseı/TMD ozyq jáne salystyrmaly zertteýler halyqaralyq ortalyǵynyń vıtse-prezıdenti Hans Georg Haınrıh. Onyń aıtýynsha, avstrııalyqtardyń 15 paıyzy joǵary bilimdi. Elde 180 myń qaýymdastyq pen 200 partııa bar. Úlken ózgerister aldynda turǵan Avstrııanyń bolashaqtaǵy damý jolynda negizgi 3 faktor basty ról atqarýda. Ol - mıgratsııa, Eýropa jáne sóılesýdiń jańa tehnologııalary.
Mıgratsııa bir jaǵynan bizge úlken múmkindik. Beıimdelý men yqpaldasý máselesi azamattyq qoǵamnyń belgili bir reaktsııasyn týdyrady. Óıtkeni saıası partııalar men memleket ony óte kesh moıyndady. Mıgranttar negizinen burynǵy ıÝgoslavııa men Túrkııa, Reseı jáne Azııa elderinen», deıdi Hans Georg Haınrıh.
