Avstrııalyq Stefan Kraft Almatydaǵy shańǵymen tuǵyrdan sekirýden Álem Kýbogy Jazǵy kezeńiniń jeńimpazy atandy
ALMATY. QazAqparat - Almatyda Halyqaralyq «Suńqar» shańǵy tramplınderi kesheninde erler men áıelder arasynda shańǵymen tuǵyrdan sekirý boıynsha Álem Kýbogynyń FIS Grand Prix atty jetinshi Jazǵy kezeńi aıaqtaldy.
Erler arasyndaǵy jarysta avstrııalyq «ushqysh shańǵyshy» Stefan Kraft jeńimpaz atandy.
Onyń jalpy kórsetkishi 307,6 metr. Aıta ketken jón, ol jarys aldynda Almatyǵa arnaıy kelip, eki apta boıy jattyqqan bolatyn. Aıtýynsha, bul oǵan qarsylastaryn basyp ozýǵa múmkindik bergen. Al slovenııalyq shańǵyshy Robert Kranets 293,1 metrlik kórsetkishpen ekinshi oryndy ıelendi. Qola medal reseılik shańǵyshy Ilmır Nazetdınovke buıyrdy. Onyń kórsetken jalpy nátıjesi 292,7 metr.
Bul jarysqa Qazaqstannyń atynan aǵaly-inili Marat jáne Radık Japparovtar men Sabyrjan Momynov qatysqan bolatyn.
Tek Radık Japparov qana 244,5 metrlik jalpy nátıjemen alǵashqy otyzdyqqa ene aldy.
Aıta ketelik, sportshylardyń barlyǵy jarystyń óte joǵary deńgeıde uıymdastyrylǵanyn atap ótti.
Almatyda shańǵymen tuǵyrdan sekirý boıynsha ótken Álem Kýbogynyń jetinshi Jazǵy kezeńine barlyǵy 14 elden 75 sportshy qatysty.
