Avstrııalyq professor fýtboldan Álem chempıonatynda kim jeńetinin boljady
ASTANA. QazAqparat - Insbýrk ýnıversıtetiniń statıstıka professory Ahım Zaılaıs (Achim Zaileis) zertteý júrgizip, onyń qorytyndysy boıynsha Brazılııada ótetin fýtboldan Álem chempıonatynda qaı komanda jeńimpaz atanatynyna boljam jasady, dep jazady KAZsport.
Ǵalymnyń joramaly boıynsha, bul joly mýndıal qojaıyndary top jarady. Zaılaıs brazılııalyq fýtboshylardyń múmkindigin 22,5 paıyzǵa baǵalady, dep habarlaıdy ANSA Calcio.
Professor ekinshi orynǵa Argentına quramasyn (15,8 paıyz) qoıdy, al úshtikte - Germanııa quramasy (13,5 paıyz). Al Gondýras fýtbolshylarynyń jeńiske jetý múmkindigi múldem joq. Zaılaıs olardyń múmkindigin nól paıyzǵa teńedi.
Avstrııalyq ǵalymnyń boljam jasaý ádisi 22 býkmekerlik keńseniń málimetterine negizdelgen. Sonymen qatar, statıstıkalyq aqparattarǵa súıengen. Ahım Zaılaıs 2008 jyldan bastap Álem jáne Eýropa chempıonyn anyqtaýda qatelespegen.
Fýtboldan Álem chempıonaty 12 maýsym men 13 shilde aralyǵynda Brazılııada ótedi. Mýndıal qojaıyndary «A» tobynda Horvatııa (12 maýsym), Meksıka (17 maýsym) jáne Kamerýn (24 maýsym) quramalarymen oınaıdy.
Aıta keteıik, «Qazaqstan» Ulttyq telearnasy men «KAZsport» telearnasy Álem chempıonatyn tikeleı efırde kórsetedi.
