Avstrııalyq polıtsııa Venada jarylǵysh zat alyp júrgen azamatty ustady
ASTANA. QazAqparat - Avstrııalyq quqyq qorǵaýshylar Venada 400 gramm trotıli bar germanıalyq úısiz-kúısiz júrgen azamatty ustady, dep habarlaıdy RIA Novostı Kronen Zeitung basylymyna silteme jasap.
54 jastaǵy er adam jarylǵysh zaty baryn dúkenderdiń birindegi satýshyǵa aıtqan. Áıel adam bul týraly polıtsııaǵa málim etken. Keıin quqyq qorǵaýshylar men arnaıy úıretilgen ıtter «qańǵybasty» izdeýge kirisken. Er adam ustaldy.
Odan trınıtrotolýol jarylǵysh zaty, pyshaq pen oq-dáriler tabylǵan.
Er adam trotıldy Slovakııadaǵy oqý polıgonynan taýyp alǵanyn aıtqan. Polıtsııa bul oqıǵanyń terrorızmge qatysy joǵyn habarlady. Ustalǵan azamaty bostandyqqa jiberildi. Er adam Germanııadan toǵyz jyl buryn ketip qalǵan jáne sodan beri Eýropada velosıpedpen saıahattap júr.
