Avstrııalyq otbasy 3 jyl buryn joǵalyp ketken naýqas ulyn Italııadan tapty
MILAN. QazAqparat - 25 jastaǵy Arıandy anasy men ápkesi 3 jyl boıy izdep, aman-esen tapty, dep habarlaıdy QazAqparat euronews.com agenttigine silteme jasap.
Jas jigit aýtızmge shaldyqqan. Arıan - Avstrııanyń týmasy. Osydan úsh jyl buryn úıinen ketip qalǵan. Ony Interpol Avstrııada ǵana emes, búkil Eýropa aýmaǵynda izdedi. Sol aralyqta ol týǵan elinen ketip, Italııanyń Mılan qalasynyń mańaıynda turyp jatqan.
Úsh jyldan beri ol ózin basqalarǵa Antonıo Gallo degen atpen tanystyratyn. Týystary týraly suraǵanda, «Florentsııadaǵy qaıǵyly oqıǵa kezinde jaqyndarymnan túgel aıyrylyp qaldym» dep jaýap bergen. Ótken jyldyń mamyr aıynda Arıan osy jalǵan aty-jónimen Mılandaǵy ýnıversıtetke oqýǵa da túsken.
«Meniń oıymsha, ol óziniń aty-jónin umytyp qalǵan joq. Tek eshkimge shynyn aıtqysy kelmegen. Arıan óz betinshe ómir súrgisi keldi, sol úshin kútpegen jerden úıinen ketti. Onyń bar oıy osy bolǵan», - deıdi neıropsıhıatr Rıkardo Tanıelı.
Birneshe kún buryn Arıan padegogtardyń birine polıtseılermen sóıleskisi keletinin jetkizip, ákesiniń aty-jónin aıtqan. Sol kezde jas jigittiń izdeýde júrgeni belgili boldy. Osy aqparattyń arqasynda avstrııalyq otbasy ulymen qaýyshty.
