Avstrııalyq eks-mınıstr EQYU Bas hatshylyǵyna óz kandıdatýrasyn usynǵaly otyr
VENA. 21 jeltoqsan. QazAqparat /Tımýr Bekturǵanov/ - Avstrııanyń burynǵy Syrtqy ister mınıstri Ýrsýla Plassnık Eýropadaǵy qaýipsizdik jáne yntymaqtastyq uıymynyń Bas hatshysy laýazymyna óz kandıdatýrasyn usynýdy josparlap otyr, dep habarlady Austria Press Agentur aqparat agenttigi.
Ý.Plassnık tájirıbeli dıplomat, ol EQYU Bas hatshysynyń kandıdatýrasyna qoıylatyn barlyq talaptarǵa saı keledi jáne halyqaralyq saıası sahnada úlken bedelge ıe.
EQYU Bas hatshylyǵynan avstrııalyq dıplomatpen birge, nemis dıplomaty, Qaqtyǵystardyń aldyn alý ortalyǵynyń jetekshisi Gerbert Zalber men BUU-nyń Kosovodaǵy mıssııasynyń jetekshisi ıtalıandyq Lamberto Zanner de úmitti.
EQYU-nyń is basyndaǵy Bas hatshysy Mark Perren de Brıshambonyń ókilettik merzimi 2011 jyldyń maýsym aıynda aıaqtalady. Uıymǵa múshe 56 eldiń ókilderi soǵan deıin jasyryn daýys berý jolymen kandıdattardyń qatarynan jańa bas hatshyny saılaýy kerek.
