Avstrııalyq bıznes ókilderi qazaq ınvestorlaryna qolaıly usynys jasady
Almaty. QazAqparat - Almatyda Avstrııa eliniń bıznes ókilderi qazaq ınvestorlaryna Eýropaǵa ınvestıtsııa salýdyń qolaıly múmkindikteri týraly aıtyp berdi, dep habarlaıdy QazAqparat tilshisi.
«Avstrııa Qazaqstandyq bızneske ne usyna alady? Eýropalyq Odaqtaǵy eń ınnovatsııalyq jáne tabysty elderdiń biri. Uıym bolashaqta eýropalyq jáne álemdik naryqtarǵa shyǵady, osyǵan qaraı ekonomıkanyń túrli sektorlarynda jańa jobalardy usynady. Sóıtip, bıznesti damytýdyń jańa múmkindikterin ashady. Búgingi ǵalamdyq jáne qazaqstandyq bıznes osy múmkindikterge umtylýda. Tartymdy salyq quqyǵy, sonymen qatar, álemdik jáne aýmaqtyq bıznes baǵyttaryn ary qaraı tıimdi basqarý múmkindikteri Avstrııanyń qazaqstandyq ınvestorlarǵa usynatyn múmkindikterdiń bir parasy ǵana», - deıdi Qazaqstandaǵy Avstrııa elshiliginiń jańa keńesshisi Mıhael Mıýller.
Elshilik ókiliniń aıtýynsha, Avstrııa ınnovatsııalyq jobalardy arttyrý úshin R&D salasyna aıryqsha kóńil bóledi. Naqtylap ótsek, avstrııalyq kompanııalardyń ınnovatsııalyq zertteý jumystaryna jumsalatyn qarjysynyń 14 paıyzy keri bonýs retinde úkimet tarapynan sol kompanııaǵa qaıtarylady. Mundaı qoldaý Avstrııada tirkelgen sheteldik kompanııalarǵa da beriledi.
Aıta ketsek, 2017 jyly Qazaqstan men Avstrııa dıplomatııalyq jáne saýda qatynastarynyń 25 jyldyǵyn atap ótti. Avstrııa úshin Qazaqstan TMD elderi arasynda mańyzdylyǵy boıynsha úshinshi el sanalady. Qazaqstan men Avstrııa arasyndaǵy saýda aınalymy ótken jyly 1 mıllıard eýrodan asty.
