Avstrııalyq azamat akýlaǵa minbekshi boldy
ASTANA. QazAqparat - Belgisiz avstrııalyq azamat taǵdyryn synamaq bolyp, táýekelge bel baılady. Teńizdegi katerde bolǵan azamat tap jandarynan akýlany kórip qalady. Kemeden sýǵa sekirgen ol oǵan minbekshi boldy, al onymen kemede bolǵan dostary oqıǵany vıdeoǵa túsirdi.
«Akýlany minip júzý - avstralııalyqtardyń erligin tekseretin synaq bolǵandaı», - dep atap ótedi Metro gazetiniń jýrnalısteri.
Basylymnyń aqparatynsha, buǵan deıin osy aıda bir avstralııalyq azamat jan-jaǵynda akýlalar júzip júrgenine qaramastan, óli kıttiń ústine shyqpaq bolǵan. Taǵy bir otandasy bul teńiz jyrtqyshtarymen «tildeskisi» keldi. «Bul aqylsyz áreket. Biraq kózsiz batyrdy vıdeoǵa túsirgen dosynyń aıtýynsha: «myqtaǵanda akýla qolyńdy ǵana tistep, julyp alady».
Qalaı bolǵanda da, er adam jyrtqyshtyń ústine otyra almady. Ol sýǵa sekirgen kezde, akýla jyldam júzip ketti.
Alaıda bul «kózsiz batyr» úshin qýanatyn jaǵdaı emes. Ol jyrtqysh balyqtyń oǵan zardap shektirmegenine rıza bolýy tıis. Jaqynda Fılıppın jaǵalaýynda teńiz jyrtqyshyn aýlaǵan balyqshylar onyń ishinen adamnyń basy men aıaǵyn tapqan.
