Avstrııadaǵy mektepten radıoaktıvti ýran tabyldy
ASTANA. QazAqparat - Avstrııada mekteptegi tastyń synyǵy radıoaktıvti ýran bolyp shyqty. ıAdrolyq reaktorda paıdalanylatyn metall - ýrannyń bilim ordasynda turǵany kezdeısoq anyqtalǵan. Mekteptegiler evakýatsııalanyp, eldegi basqa mektepter tekserile bastady.
Qaýipti tasty antııadrolyq naýqannyń belsendisi Tomas Neff tapty. Ol Zaltsbýrgtegi mekteptiń birinde dáris oqyǵan. Belsendi balalarǵa radıatsııanyń qaýiptiligin túsindirý úshin 60 jyldardaǵy eski saǵatty kórsetken. Onyń tiline shamaly mólsherde radııa qoldanylǵandyqtan qarańǵyda sáýlelenetin, dep jazady brıtandyq Metro basylymy.
Tomas Geıger esepteýishin alyp shyǵyp saǵattyń radıatsııa deńgeıin ólshegende, qurylǵy onyń mólsherden 20 ese artyq ekenin kórsetken. Ol synypty aralap júrip sol jerdegi qalypty mólsherdi kórsetpek bolǵanda esepteýish mınýtyna 102 000 ımpýls jasaǵan. Bul saǵattyń radıatsııasynan 85 ese kóp. Tomas dárisin toqtatyp, mekteptegilerdi syrtqa shyǵýǵa shaqyrǵan.
Oqys oqıǵa saldarynan Zaltsbýrgtegi barlyq mektep tekserildi. Onyń 11-indegi geologııalyq jınaqtardan 38 ýrannyń synyǵy tabyldy.
