Avstrııadaǵy iri mıgranttardy qabyldaý ortalyǵy lyq toldy
ASTANA. QazAqparat - Avstrııadaǵy eń iri Traıskırhen qalasyndaǵy mıgranttardy ornalastyratyn ortalyq bosqyndar leginiń shamadan tys kóbeıip, oryn jetispeýine baılanysty esikterin jabady, dep habarlady Bı-bı-sı.
Qazirgi kezde ortalyqqa 4 myń mıgrant ornalastyrylǵan, bul ony jobalaǵandaǵydan shamamen eki ese kóp.
Ǵımarat shamadan tys tolǵandyqtan keıbir bosqyndar bala-shaǵalarymen kóshede uıyqtaýǵa májbúr.
Eldiń ishki ister mınıstri Iohanna Mıkl-Leıtnerdiń aıtýynsha, ortalyq ondaǵy jaǵdaı turaqsyz bola bastaǵannan keıin mıgranttardy qabyldaýdy toqtatýǵa tıis boldy.
Qazir el úkimeti mıgranttardy qabyldaǵysy kelmeıtin qalalar men provıntsııalarǵa bosqyndardy ornalastyratyn ortalyqtar ashýǵa mindetteıtin zań jobasyn ázirleýde.
Jasyryn mıgranttar problemasy sońǵy kezde frantsýzdyń Kale qalasyndaǵy daǵdarysqa baılanysty qyzý talqylanýda. Kaledegi mıgranttar ár tún saıyn La-Mansh arqyly tóselgen týnnelmen jasyryn túrdeUlybrıtanııaǵa ótýge árekettenýde. Osyndaı áreketter kezinde qazirdiń ózinde 9 bosqyn mert boldy.
