Avstrııadaǵy bıatlonshylarmyzǵa qatysty janjal aldaǵy ýaqytta sabaq bolady - Muhamedıuly
ASTANA. QazAqparat - Avstrııadaǵy bıatlonshylarmyzǵa qatysty janjal aldaǵy ýaqytta sabaq bolady. Búgin QR Úkimetiniń selektorlyq rejimdegi otyrysynan keıin QR Mádenıet jáne sport mınıstri Arystanbek Muhamedıuly osylaı aıtty, dep habarlaıdy QazAqparat.
«Synama Avstrııada alyndy jáne alǵashqy nátıjeleri teris bolǵan. ıAǵnı, olar (sportshylar) taza degen sóz. Ol jerde belgili bir tehnıkalyq qatelikterge jol berilgen. Bul aldaǵy ýaqytta dárigerlerimiz ózderiniń mindettemelerine barynsha muqııat qaraýy úshin bizge sabaq boldy», - dedi Muhamedıuly.
Esterińizge sala ketsek, buǵan deıin Hohfıltsende avstrııalyq polıtsııa bıatlonnan Qazaqstan quramasy turyp jatqan jerdi tintip, kóptegen medıtsınalyq qurylǵylar men tyıym salynǵan farmakologııalyq dári-dármekter tapqanyn habarlaǵan bolatynbyz.
Qazaqstan bıatlon federatsııasynyń bas hatshysy Manas Úsenovtiń aıtýynsha, Avstrııanyń federaldy polıtsııasy osy elde tabylǵan dári-dármekterdiń Qazaqstannyń bıatlon quramasyna tıesili ekendigi tekserilip jatqandyǵyn habarlaǵan. Qazirgi tańda olardyń tyıym salynǵan dáriler ekendigin aıtý ázirge erte.
«Avstrııa federaldyq polıtsııasy baspasóz máslıhatynda málimdegendeı, Antholts mańynda medıtsınalyq dári-dármekterdiń qaldyqtary bar qoraptar tabylǵan. Dál sol jerden Qazaqstan quramasy dárigeriniń akkredıtatsııasy tabyldy. Keshe qonaq úıde bizdiń komandany tintidi. Dárigerdiń medıtsınalyq dári-dármekteri tárkilendi. Biraq, bizde barlyq dári-dármekterdiń ruqsaty bar. Sondaı-aq, polıtsııa qazirgi tańda tabylǵan zattardyń tekserilip jatqandyǵyn málimdedi. Olardyń tyıym salynǵandyǵy nemese joqtyǵyn, saraptama kórsetedi. Bizdiń komanda dopıng jáne DNK testin tapsyrdy. Endi saraptama nátıjesin kútýdemiz. Avstrııanyń dopıng agenttigi qoraptarda tabylǵan dári-dármekterdiń saraptamasyn aldy. Qazirgi tańda nátıjesi týraly aqparatty kútemiz», - dedi QR Bıatlon federatsııasynyń bas hatshysy.
