Avstrııada jaz ortasynda qar tústi
ASTANA. 25 shilde. QazAqparat - Avstrııada qaınaǵan jaz ortasynda qar tústi. Tabıǵattyń mundaı minezi Zaltsbýrg úshin kútpegen tosynsyı boldy. Qala joldary muz aıdynyna aınalyp, kóshege qar jınaý tehnıkalary shyǵarylýda, dep habarlaıdy «Rossııa-24».
Aýa raıynyń bulaı qubylýyn jergilikti turǵyndar da, saıahatshylar da kútpegen edi. Olar endi sholaq shalbarlary men jeńil jeıdelerin qalyń kúrte men bas kıimge almastyrýǵa májbúr.
Soǵan qaramastan, eldiń ońtústiginde daýyl basylar emes. Tolassyz jaýǵan nóser jańbyr men naızaǵaıdyń kesirinen myńdaǵan úı jaryqsyz qalyp otyr. Birqatar ǵımarattar naızaǵaı saldarynan otqa oranyp, kólikter iri burshaq astynda qaldy.
