Avstrııada jaı túsken tabyn sıyrdan bireýi ǵana tiri qaldy
ASTANA. QazAqparat - Avstrııada, Shtrobl qalasynyń Zaltsbýrg aýdanyndaǵy bir tabyn sıyrǵa naızaǵaı tústi. 18 iri qara oqıǵa ornynda ólip, «Joly bolǵysh» (nem. Glück) degen at qoıylǵan sıyr ǵana aman qaldy.
Baqtashy Georg Býheggerdiń aıtýynsha, nóser jaýynda bir tabyn sıyr 20 metrlik shyrshany astyn yqtaǵan. Kenet sıyrlar panalaǵan aǵashqa naızaǵaı túsip, 18 sıyr sol jerde til tartpaı ketken. Onyń 12-si býaz bolǵan.
Sol jerde tek «Joly bolǵysh» laqap atyna ıe sıyr din-aman qalǵan.
Baqtashy shyǵynyn 20 myń eýroǵa baǵalap otyr. Ony fermerge saqtandyrý kompanııasy tóleıdi (janýarlar saqtandyrylǵan), biraq mal qojaıyndary óz malyna úırenip qalǵanyn aıtyp, qapalanyp otyryn málimdedi.
