Avstrııada Uly Otan soǵysynyń aıaqtalýynyń 67 jyldyǵyna oraılastyrylǵan saltanatty is-sharalar ótti
Qazaqstan Respýblıkasynyń Avstrııadaǵy elshiligi jáne Vena qalasyndaǵy Halyqaralyq uıymdar janyndaǵy Turaqty ókildiginiń qyzmetkerleri TMD elderiniń kópshilik ókildikterindegi jáne gıtlerge qarsy koalıtsııasyndaǵy áriptesterimen birlesip, Venanyń ortalyǵyndaǵy Shvartsenbergplats alańynda ornalasqan Keńes áskerleriniń memorıaly janynda jáne 1945 jyldyń kókteminde Vena qalasyn azat etýde qaza tapqan Qyzyl Armııa jaýyngerleri jerlengen ortalyq qalalyq zıratynda gúl shoqtaryn qoıý arqyly jyl saıynǵy eske alý rásimine qatysty. Saltanatty is-sharadan keıin avstrııalyq jáne halyqaralyq jurtshylyqqa, avstrııalyq astanadaǵy dıplomatııalyq korpýske arnalǵan dástúrli qonaqasy berildi.
13 mamyrda qazaqstandyq dıplomattar, áskerıler jáne stýdentter burynǵy natsısterdiń kontslageriniń ornynda ornalasqan "Maýthaýzen" memorıaldyq kesheninde ótken saltanatty-qazaly rásimge qosyldy. Gúl shoqtary fashızm qurbandaryna arnalǵan ortalyq eskertkishke qoıyldy. Avstrııa terrıtorııasynda qaza tapqan qazaqstandyq jaýyngerler qurmetine Batys Eýropada ornatylǵan alǵashqy ulttyq eskertkish taqtasy janyndaǵy "qaıǵy qabyrǵasynda" jeke izet berildi. Bul eskertkish Elshiliktiń bastamashylyǵymen Jeńistiń 65 jyldyǵynda ornatyldy.
Qasireti belgili kontsentratsııalyq lager Avstrııanyń provıntsııalarynyń birinde bolǵan, onyń quramyna barlyq Joǵary Avstrııada ornalasqan 49 bólimshesi engen. Maýthaýzen tutqyndardy asa qatal tártipte ustaǵan eń qorqynyshty mekeme retinde tanylady. Lagerde 122 myńnan astam adam jaza tartqan, onyń 32 myńnan astamy keńes azamattary.
Ekinshi Dúnıejúzilik soǵys bitkennen keıin lager terrıtorııasynda Maýthaýzen memorıaldyq murajaıy qurylǵan. Bul keshen adamdardy qatal qurtý týraly estelikti saqtap qalýǵa óz úlesin qosyp, Eýropa halqynyń fashızm men ultshyldyq aldynda júreksinbeýge daıyn ekendikterin dáripteıdi.
Qazaqstandyq elshilik pen stýdentter Vena ýnıversıtetiniń zańgerlik fakýltetinde arnaıy kezdesý uıymdastyrýǵa óz úlesterin qosty. Atalǵan kezdesýde Maýthaýzenniń tiri qalǵan azǵantaı tutqyndarynyń biri Evgenıı Vasılevıch Moıseev pen Avstrııany azat etýde qaza tapqan qazaqstandyqtar týraly 2010 jyly basylyp shyǵarylǵan albomnyń avtory Pıter Sıksıl sóz sóıledi. Avstrııa terrıtorııasyndaǵy baýyrlastar zırattarynda jerlengen nemese Maýthaýzende lagerlik qıyn turmys keshken qazaqstandyq tulǵalardy anyqtaý jónindegi jumystar Elshiliktiń, áskerı attashattyń jáne avstrııalyq qoǵam qaıratkerleri men yntagerleriniń birikken kúshimen jalǵasyn tappaq.
