Avstrııada sırııalyq bosqyn 20 adamdy óltirgeni úshin sottalýda
ASTANA. QazAqparat - Avstrııa bıligi Sırııadan kelgen 27 jastaǵy bosqynǵa Homsadaǵy shabýyldan keıin qarýsyz nemese jaralanǵan 20 sırııalyqty atyp óltirdi degen aıyp taǵyp otyr. Onyń isi qaralatyn sot otyrysy naýryz aıynyń sońynda ótýi tıis.
Der Standard gazetiniń deregi boıynsha, aıyptalýshy Homsadaǵy bosqyndar lagerinde ósken, azamattyǵy joq Palestına týmasy bolyp shyqty.
Avstrııalyq BAQ-tardyń jazýynsha, kúdikti bosqyndarǵa arnalǵan Avstrııa ortalyǵyndaǵy óz kórshilerine ıslam sodyrlarynyń qatarynda soǵysyp, úkimettik áskerdiń sarbazdaryn óltirgenin ózi aıtyp bergen kórinedi.
Aıyptalýshyǵa qatysty tergeý jumystary ótken jyly bastalǵan.
Ol (esimi atalmaýda) óz kinásin moıyndap otyrǵan joq. Qorǵaýshylar onyń sol kezeńde aýyr psıhıkalyq jaraqatty bastan keshirgenin aıtyp, sendirýde.
