Avstrııada shatyr qulap, 2 adam mert boldy
ASTANA. QazAqparat - Avstrııada ótken festıvalda shatyr qulap, zardap shekkender sany 120 adamǵa jetti, dep habarlaıdy TASS.
Polıtsııa naqtylaǵan málimetter boıynsha, 100-ge jýyq adam jeńil jaraqat alǵan, 20 adamnyń hali aýyr. Zardap shekkenderdiń barlyǵy jergilikti aýrýhanalarǵa jetkizildi.
Osyǵan deıin, 50 adamnyń zardap shekkeni týraly habarlandy. Alaıda, qutqarý qyzmeti olardyń sany áli artýy múmkindigin eskertti. Óıtkeni jaraqat alǵandardyń kópshiligi senbi kúni tań ata aýrýhanaǵa kele bastaǵan.
Bul oqıǵa jumadan senbige qaraǵan túni boldy. Qatty jel shatyrdy julyp áketip, festıval ótetin ǵımaratty zaqymdady jáne onyń ishindeginiń bárin ushyrǵan.
Oqıǵa bolǵan kezde merekege 700 adam qatysyp jatqan. Eki adam shatyrdyń temirleri men jıhazdardyń bólshekteri tıip mert boldy.
Polıtsııa qurban bolǵandardyń aty-jónderin anyqtady. Olar 28 jastaǵy jergilikti turǵyn men 19 jastaǵy rýmynııalyq stýdent bolyp shyqty.
Qutqarýshylar men medıtsına mamandary arnaıy «jedel jeli» qyzmetin uıymdastyrdy. Ol arqyly týǵandary men týystary ózderin izdegen adamdar týraly málimetterdi bile alady.
