Avstrııada prezıdent saılaýynyń qorytyndysy jaramsyz dep tanyldy
ASTANA. QazAqparat - Avstrııanyń konstıtýtsııalyq soty prezıdenttik saılaýdyń ekinshi týrynyń nátıjesin joıyp, qaıta daýys berýge qaýly shyǵardy, dep habarlady Bı-bı-sı-diń orys qyzmeti.
Saılaý nátıjelerin qaıta qaraýǵa ásire ońshyl avstrııalyq erkindik partııasy túrtki boldy.
Onyń úmitkeri Norbert Hofer «jasyldyń» burynǵy kóshbasshysy Aleksandr van der Bellennen nebary 31 myń daýysqa artta qaldy.
Aldyn ala nátıjede Hofer kósh bastady, alaıda óz bıýlletenderin pochta arqyly jibergen 750 myń saılaýshy daýysyn eseptegennen keıin boljam ózgerdi.
Erkindik partııasynyń kóshbasshysy Haınts-Krıstıan Shtrahe daýys berý rásimindegi kóptegen zań buzýshylyqtardy, onyń ishinde pochta arqyly bıýlletenderdi óńdeý kezinde buzýshylyqtar bolǵanyn málimdedi.
Avstrııa - parlamenttik respýblıka. Onyń basshysy kantsler bolyp tabylady. Avstrııa prezıdentine saltanatty ról beriledi, al erkindik partııasy óz úmitkeriniń jeńisin alda 2018 jyly ótetin parlamenttik saılaýdaǵy jetistik úshin tramplın retinde qaraýda.
