Avstrııada prezıdent saılaýy keıinge shegerildi
ASTANA. QazAqparat - Avstrııada 2 qazanǵa belgilengen prezıdent saılaý keıin ótkiziletin boldy. Bul týraly eldiń ishki mınıstri Volfgang Sobotka jarııalaǵan.
Saılaý merzimin shegerýge poshta arqyly daýys berýge arnalǵan konvertterdegi sapasyz jelimi sebep bolǵan, dep habarlaıdy 24.kz.
Kemshilik saldarynan konvertterdiń ashylyp qalýy múmkin edi. Bıyl kóktemde Avstrııada prezıdent saılaýynyń eki kezeńi ótken bolatyn. Onda jasyldar partııasynyń burynǵy basshysy Aleksandr Van der Bellen básekelesi Norbert Hoferden nebári 0,6 paıyz basymdyqpen jeńgen edi.
Ol bul tabysqa poshta arqyly túsken daýys arqasynda jetken bolatyn. Alaıda keıin Konstıtýtsııalyq sot daýys berý nátıjesin zańsyz dep tanyp, eki úmitker arasynda saılaýdy qaıta ótkizýdi uıǵardy.
