Avstrııada nemis áıeliniń basyna beton quıyp, ózi sýǵa ketti
ASTANA. QazAqparat - Germanııa turǵyny óziniń áıelin býyndyryp, denesin bólshektep, basyna tsement quıyp, keıin ózi sýǵa ketti, dep habarlady Bı-bı-sı avstrııalyq polıtsııaǵa silteme jasap.
Qaza tapqandardyń esimderi atalmady - er adam 72 jasta, al onyń áıeli 71 jasta bolǵany jáne ekeýi de Frankfýrt turǵyny ekeni belgili.
Tergeý jeksenbi kúni Zaltsbýrgten shyǵysqa qaraı 80 km jerde Traýnzee kóliniń mańynan adamdardyń biri áıel denesiniń bólshekteri bolǵan chemodandy baıqaǵannan keıin bastaldy. Sol kúni polıtsııa ıti áıel denesiniń bólshekteri salynǵan ekinshi chemodandy tapty.
Bir táýlikten keıin sýda 5 metrlik tereńdikten qolyna ishinde tas bolǵan qapshyqtar baılanǵan er adamnyń máıiti tabyldy.
Er adamda jaraqat bolmaǵandyqtan, prokýratýra ol óz-ózine qol jumsady dep esepteıdi.
Seısenbi kúni polıtsııa kóldiń túbinen áıeldiń beton quıylǵan basyn tapqanyn habarlady.
Tergeýshilerdiń pikirinshe, áıel býyndyrylyp óltirildi. Qylmys, boljam boıynsha, 25 jeltoqsan men 1 qańtar aralyǵynda jasalǵan.
