Avstrııada kóp qabatty turǵyn úıde jarylys boldy
LANGENTsERSDORF. QazAqparat – Avstrııadaǵy Langentsersdorfta turǵyn úıde jarylys bolyp, saldarynan úıdiń birneshe qabaty opyrylyp tústi. Bul týraly QazAqparat Kronen Zeitung basylymyna silteme jasap habarlaıdy.
Tótenshe oqıǵa 29 qańtar kúni tańerteń oryn alǵan. Jarylys saldarynan ǵımarattyń úshinshi jáne tórtinshi qabattary qıraǵan.
Qazirgi kezde ǵımarattyń ishinde qansha adam bolǵany belgisiz. Qutqarý operatsııasy júrgizilip jatyr. Úıindiler astynan bir adamdy qutqarý múmkin boldy.
Oqıǵa ornynda jedel medıtsınalyq kómek kórsetý qyzmetiniń eki tikushaǵy jumys istep jatyr.
