Avstrııada qar kóshkini júrip, 2 adam iz-tússiz joǵalyp ketti

ASTANA. QazAqparat - Avstrııanyń qutqarýshylary eldiń batysyndaǵy Forarlberg aımaǵynda ornalasqan áıgili Leh-Tsıýrs taý shańǵysy kýrortynda qar kóshkininen keıin joǵalǵan eki týrısti izdeý jumystary jalǵasýda, dep habarlaıdy QazAqparat Euronews aqparat agenttigine silteme jasap.

Oqıǵa 2700 metr bıiktikte bolǵan. Qutqarý operatsııasyna tikushaqtar men kınologtar toby jumyldyryldy. Polıtsııa kýáger túsirgen vıdeoǵa súıene otyryp, bastapqyda qar astynda on shańǵyshy qalyp qoıǵanyn habarlady. Keıin joǵalǵan segiz adam tabyldy, olardyń eshqaısysy aýyr zardap shekken joq.

Rojdestvolyq demalys kúnderi aýa raıynyń jyly bolýyna baılanysty bılik aımaqta jáne kórshi Tırolde qar kóshkini qaýpi joǵary ekenin eskertti.

Foto: ru.euronews.com