Avstrııada ekinshi ret prezıdent saılaýy ótip jatyr
ASTANA. QazAqparat - Avstrııada jeksenbi kúni Prezıdent saılaýy qaıta ótýde. Óıtkeni aldyńǵy saılaýda úmitkerler jarty paıyzdy bólisken, sol sebepti sot daýys sanaý jumysyndaǵy qatelik saldarynan nátıjeni qabyldamaǵan. Qyzý kúres bul joly da jalǵasady, dep habarlaıdy newsru.com.
Prezıdentti qaıta saılaý úshin daýys berý ýchaskeleri jergilikti ýaqytpen saǵat 07:00-de ashylǵan. Halyq eki úmitkerdiń bireýin tańdaıdy: táýelsiz úmitker jáne «Jasyldar» parııasynyń burynǵy kóshbasshysy Aleksander Van der Bellen nemese Avstrııalyq táýelsiz partııa (ATP) atynan túsip jatqan úmitker Norbert Hofer.
Respýblıkada barlyǵy 10 myń saılaý ýchaskeleri ashylǵan.
