Avstrııada daýys berý bastalǵannan keıingi alǵashqy saǵattyń ishinde saılaýshylardyń 90 paıyzy daýys berdi
VENA. 3 sáýir. QazAqparat /Tımýr Bekturǵanov/ - Qazaqstannyń Avstrııadaǵy elshiliginde ashylǵan №118-shi saılaý ýchaskesinde jergilikti ýaqyt boıynsha saǵat 11.00-lerge saılaýshylardyń 90 paıyzy kelip daýys berdi.
Bul týraly QazAqparat tilshisine ýchaskelik saılaý komıssııasynyń tóraǵasy, Qazaqstannyń Avstrııadaǵy elshiliginiń keńesshi-elshisi Altaı Ábıbollaev habarlady.
Avstrııada qazaqstandyq 150 saılaýshy tirkelgen, olardyń qatarynda halyqaralyq uıymdardyń qyzmetkerleri, qazaqstandyq dıplomattar men olardyń otbasy músheleri, zııaly qaýym, ǵylymı qoǵamdastyq, bıznes ókilderi jáne stýdent jastar bar.
Shetelderde daýys berý kúni, týǵan jerden jyraqta júrgen bizdiń azamattarymyz úshin merekelik oqıǵa bolyp tabylady. Bul kún olar úshin tek saıası erikterin bildiretin kún ǵana emes, sonymen birge otandastarymyz kezdesýdiń, sońǵy jańalyqtardy talqylaýdyń jáne demalys kúnderin jerlesteriniń ortasynda ótkizýdiń tamasha múmkindigi.
Venada búgin aýa raıy da jyly. Ádette jaýyn-shashyndy Venanyń aspany búgin, 3 sáýir kúni ashyq, aýa temperatýrasy +22 gradýs.
Búgin dıplomattardyń kúshimen Venada daýys berýge kelgen saılaýshylar úshin Naýryz meıramynyń qurmetine merekelik dastarhan jaıylyp otyr.
