Avstrııada bir otbasynyń 6 múshesi túgel mert boldy
ASTANA. QazAqparat - Avstrııanyń Behaımkırhen aımaǵynda (tómengi Avstrııa, eldiń soltústik-shyǵysynda) polıtsııa qyzmetkerleri jeke turǵyn úıden 6 adamnyń máıitin tapty.
Bul týraly Kleine Zeitung habarlady dep jazady lenta.ru. Mert bolǵandardyń barlyǵy bir otbasynyń músheleri bolyp shyqty. Olardyń arasynda egde áıel, onyń qyzy men balasy jáne 3 nemeresi bar. Balalardyń jastary 7-10 aralyǵynda.
Aldyn ala málimetter boıynsha, kópbalaly ana óziniń týystaryn atyp tastap, artynan ózi atylyp ólgen.
Áıel azamatshany osynshama jankeshtilikke ıtermelegen ne sebep ekeni ázirge aıtalmady. Psıholog maman Raınhard Hallerdiń aıtýynsha, áıelder mundaı áreketterge óte sırek barady. Bul jerde áıel ýaqytsha esin joǵaltýy da múmkin.
Kronen Zeitung basylymynyń málimetteri boıynsha, otbasy bul aımaqta 20 jylǵa jýyq ýaqyttan beri ómir súrip kelgen. Kórshileri týystardyń arasynda qandaı da bir janjal nemese urys-keris bolǵan kezderin esterine túsire almady.
31 qazan kúni Danııa polıtsııasy Obenro qalasyndaǵy páterlerdiń birinen muzdatqysh kameradan jas áıel men onyń eki qyzynyń máıitin taýyp aldy. Bul áreket boıynsha basty kúdikti áıeldiń kúıeýi bolyp otyr. Ol sonymen qatar mert bolǵan qyzdardyń ákesi. Oǵan izdeý jarııalandy.
