Avstrııada «Azbýka jılıa» kompanııalar tobynyń basshysy E.Taıjanov tutqyndaldy
ASTANA. QazAqparat - Avstrııada «Azbýka jılıa» kompanııalar tobynyń basshysy Erqanat Taıjanov tutqyndaldy. Bul týraly QazAqparat tilshisine QR Іshki ister mınıstrligi Memlekettik til jáne aqparat departamentiniń dırektory Almas Sadýbaev málim etti.
«Avstrııanyń quqyq qorǵaý organdarymen birlesken jedel izdestirý sharalary barysynda senip tapsyrylǵan múlikti ıemdenýi jáne talan-tarajǵa salǵany úshin Qazaqstan ІІM Interpol Ulttyq ortalyq bıýrosy halyqaralyq izdeý jarııalaǵan Taıjanov Erqanat Sharapatuly ustaldy. Taıjanov 2012-2015 jyldary aralyǵynda «Azbýka jılıa» kompanııalar tobynyń naqty ıesi bola turyp, úleskerlerdiń 40 mlrd. teńgeden asam qarjysyn qasaqana ári zańsyz ıemdengen. Qazirgi ýaqytta ustalǵandy Qazaqstan Respýblıkasyna ekstradıtsııalaý máselesi sheshilý ústinde», - dedi ol.
Aıta keteıik, «Azbýka jılıa» qurylys kompanııalary tobynyń basshylarynan «Aısanam», «Aısanam de lıýks», «Komsomolskıı», «ExpoCity», «ExpoTown», «Komfort», «Garant», «Jeti Jol», «Sadovye kvartaly» jáne «Dınastııa» turǵyn úı keshenderiniń úleskerleri zardap shekti.
