Avstrııada 100-den astam kólik soqtyǵysty
ASTANA. 27 naýryz. QazAqparat - Búgin túnde Avstrııanyń soltústik-shyǵysyndaǵy avtotrassany kóktaıǵaq basýynan 100-den astam avtokólik soqtyǵysty. Osynyń saldarynan bir adam qaza tapty, dep habarlaıdy utro.ru sheteldik aqparat quraldaryna silteme jasap.
Jol-kólik oqıǵasy Venadan 60 shaqyrym jerdegi Sankt-Pelten qalasynyń mańynda oryn alǵan. Qutqarý qyzmetiniń habarlaýynsha, kóktaıǵaq pen qardyń túsýinen 40 júk kóligi men bir jolaýshylar avtobýsy jáne qalǵany jeńil avtokólikter soqtyǵysyp otyr. Belgili bolǵandaı, birneshe adam jaraqat alǵan.
Oqıǵa ornyna 6 órt sóndirý brıgadasy men birneshe jedel járdem mashınalary, sondaı-aq qutqarý qyzmetiniń tikushaǵy keldi. Aıta keteıik, seısenbi kúni Avstrııanyń ońtústigindegi avtojol tonnelderinde bolǵan eki apattyń saldarynan 30 adam zardap shekken edi.
