Avstrııa týrısterge mindetti karantın engizdi
Avstrııa bıligi elge týrızm maqsatynda kelgenderge mindetti karantın engizdi. Shara 7 jeltoqsannan 10 qańtarǵa deıin qoldanylady. Sonymen birge, elde lokdaýn sharttary birtindep jeńildetilýde. Atap aıtqanda, 7 jeltoqsannan bastap mektepter, azyq-túlikten basqa zattardy satatyn dúkender men shashtarazdar ashylady. Sonymen qatar, 7 qańtarǵa deıin meıramhanalar, kafeler, qonaq úıler, sondaı-aq sport, mádenı jáne demalys oryndary jabyq bolady. Shańǵy tebý men basqa da ashyq aýada aınalysatyn sport túrlerine 24 jeltoqsannan bastap ruqsat etilmek.
Italııada taý shańǵysy kýrorttary qańtar aıynyń ortasyna deıin ashylmaıdy. Rojdestvo men jańa jyl merekeleri kezinde el óńirleri arasynda qozǵalys qatań shekteledi. Jeltoqsan aıynyń sońyna deıin memlekettiń basym bóliginde saǵat keshki 21:00-den bastalatyn komendanttyq saǵat saqtalady. Biraq meıramhanalarǵa ǵımarat ishinde qyzmet kórsetýlerine ruqsat berildi.
Germanııa aýrýhanalarynyń reanımatsııalyq bólimshelerinde orta eseppen úsh oryn ǵana bos. Nemis Anestezıologııa jáne qarqyndy medıtsına qaýymdastyǵynyń mamandary pandemııaǵa baılanysty reanımatsııalyq bólimshelerge shamadan tys júkteme qaýpi artyp keletinin aıtýda. «Biz qarqyndy medıtsına tarıhynda áli kezdestirmegen erekshe aýyr jaǵdaıǵa tap boldyq», - dedi uıymnyń ókili Gernot Marks.
Latvııa tótenshe jaǵdaı rejımin 11 qańtarǵa deıin uzartty. 3 jeltoqsannan bastap elde «2+2» degen atpen belgili ereje engizildi - 2 metr qashyqtyqty saqtaı otyryp, qoǵamdyq oryndarda eki adamnan artyq kezdesýlerge tıym salyndy. Saýda ortalyqtary demalys kúnderi jumys istemeıdi, betperde taǵý kez-kelgen qoǵamdyq oryndarda, onyń ishinde mektepterde taǵýyp júrý mindetteldi. Latvııa Premer-mınıstri eldegi jaǵdaıdy óte aýyr dep atady.
