Avstrııa soty Facebook-ty agressıvti posttardy joıýǵa mindettedi
ASTANA. QazAqparat - Avstrııada sot Facebook áleýmettik jelisin agressıvti jarııalanymdardy joıýǵa mindettedi, dep habarlady Bı-bı-sı qyzmeti.
Sheshimdi áleýmettik medıa ınternettegi «trolldermen» kúresýdi talap etetin belsendilerdiń jeńisi retinde qaraýǵa bolady.
Avstrııanyń jasyl partııa kóshbasshysy áleýmettik jelide jaǵymsyz habarlamalardan zardap shekkenen keıin sotqa talaparyz berdi.
Facebook, Twitter jáne Google sııaqty ınternettegi iri jeliler sońǵy ýaqytta kóptegen elderdiń synı, jaǵymsyz pikirleriniń tolqynyna ilikti. Ári olar óz platformalarynan agressıvti pikirlerdi alyp tastaýǵa asyqpaıtyny baıqalady.
Kompanııa problemamen kúresý úshin keıbir sharalardy atady. Facebook agressııamen, zorlyq-zombylyq oqıǵalaryn jelige salýmen kúresý úshin 3 myń adam jaldaýǵa ýáde berdi.
Google jalǵan jańalyqtar men agressıvti pikirler taratýdy toqtatý úshin izdeý júıesiniń jumysyn ózgertetinin aıtty.
