Avstrııa Shmallenberg aýrýyna shaldyqqan sıyrlardyń qarajatyn qaıtarýdan bas tartýda

ASTANA. QazAqparat - Avstrııa jetkizýshileri qazaqstandyq tarapqa aýrýǵa shaldyqqan sıyrlardyń qarajatyn óteýge asyqpaýda. Bul týraly búgin Astanada Ortalyq kommýnıkatsııalar qyzmetinde ótken brıfıngte «QazAgro» ulttyq kompanııasynyń basqarma tóraǵasy Dýlat Aıtjanov málim etti.

«Biz aryz-shaǵym tastadyq. Sot protsesi júrip jatyr. Bunyń aldynda biz sot protsesin kelisimshart jasalǵan jerge bergenbiz. Endi ony úlken deńgeıge kóterý josparymyz bar», - dedi ol.

Onyń sózine qaraǵanda, barlyq másele avstrııalyq tarapqa kelip tirelip otyr. Biraq bul suraq «QazAgro» holdınginiń jiti baqylaýynda.

Eske sala keteıik, 2012 jyly qyrkúıekte Avstrııadan Soltústik Qazaqstan oblysyna 722 bas iri qara mal ákelingen bolatyn. Olardan keıin vırýstyq dıareıa qozdyrǵyshy jáne Shmallenberg aýrýy anyqtaldy.