Avstrııa saıasatynda áleýmettik qorǵaý negizgi ról atqarady - Hans Georg Haınrıh
dep habarlaıdy QazAqparat.
"Eýropa úlken ǵana emes, ártúrli. Ár eldiń óz ereksheligi bar. Bul - halyqty qyzmetpen qamtamasyz etý, qoǵamnyń uıymdastyrylý qurylymy, qoǵamdyq saıası turaqtylyq, jergilikti bıliktiń avtonomııalyǵy, qarjylandyrylýy, azamattyq qoǵammen qarym-qatynasy, halyqtyń senimi sııaqty faktorlarǵa baılanysty. Eýropa elderinde azamattyq qoǵamnyń - anglosaksondyq, dóńgelek ústel alańyndaǵy (Gollandııa), ońtústiktik (Italııa) jáne memlekettik (Avstrııa) modelderi bar. Avstrııa azamattyq uıymdardy dotatsııalandyryp, osyndaı eseppen narazylyqtan qashady. Bul jerde kompartııanyń tarıhı róli bar. Ótken ǵasyrdyń 16-jyldaryndaǵy tóńkeristen keıin munda áleýmettik qorǵaý baǵdarlamalary júıeleri engizilgen. Ol saıasatta negizgi ról atqarady. Kóptegen sholýshylar úshin kishkentaı Avstrııanyń ekonomıkasynyń sátti damýy áli kúnge jumbaq bop qalýda", deıdi Eýroodaq - Reseı/TMD ozyq jáne salystyrmaly zertteýler halyqaralyq ortalyǵynyń vıtse-prezıdenti Hans Georg Haınrıh. Onyń aıtýynsha, buǵan 3 faktor yqpal etýde. Birinshi, memlekettik ákimshilik shynynda da saýatty jáne kásibı jumys isteıdi. Ekinshi, ekinshi Marshall jospary. Úshinshi, ekinshi dúnıejúzilik soǵys kezindegi nemis ınvestıtsııasy. Avstrııanyń qoǵamdyq qurylymynda memleket dotatsııalap qana qoımaı, tabysty qaıta bóledi. Orta klass ózgelerdi dotatsııalap otyrady.
"Halyqtyń 40 paıyzy múlde salyq tólemeıdi. Olar qaıta memleketten alady. Keıbir adamdar bul ádiletsiz, olar jumys istemeı qarjy alady degendi aıtady. Biraq bul olaı emes. Olar jumys isteıdi áıtse de jalaqysy az. Sol sebepti de memleket kiristi qaıta bólýge májbúr bolýda", deıdi Hans Georg Haınrıh.
