Avstrııa ózin 2017 jyly EQYU-da tóraǵalyq etýge usyndy
ASTANA. QazAqparat - Avstrııa úkimeti seısenbide ótken otyrysta Eýropadaǵy qaýipsizdik jáne yntymaqtastyq uıymyna (EQYU) tóraǵalyq etýge respýblıkanyń kandıdatýrasyn usynýǵa sheshim qabyldady. Bul týraly mınıstrler kabıneti otyrysynyń nátıjesi boıynsha kantsler Verner Faıman málimdedi, dep habarlady TASS.
«Vena mańyzdy halyqaralyq kelissóz alańy bolyp tabylady, sondyqtan bul sheshimdi durys dep sanaımyn», - dedi ol «daıyndyq jumystary bastalyp ketkenin» atap ótip.
Avstrııa Respýblıkasy uıymdy 2016 jyly basqaratyn Germanııamen birge juptyq tóraǵalyqty júzege asyrýǵa nıetti. EQYU bıyldan bastap juptyq tóraǵalyq etý praktıkasyn baıqap kórýdi sheshti. Mundaı basqarýda birden eki el basymdyqtardy kelisip, usynyp, aldaǵy eki jylǵa mindetter qoıady. Sonymen, bıylǵy tóraǵalyq etýshi Shvetsııa uıym basshylyǵyn Serbııaǵa tabystaıdy. Ol 2015 jyly Bernmen budan buryn kelisilgen baǵytty jalǵastyratyn bolady. Germanııa 1 qazanda 2016 jyly EQYU-ǵa tóraǵalyq etýge óz kandıdatýrasyn ilgeri jyljytý jaıly sheshimin resmı habarlaǵan bolatyn.
