Avstrııa: órt sóndirýshiler ýly jylandardy kórip qasha jóneldi
ASTANA. 4 qańtar. QazAqparat - Venanyń shyǵysynda bolǵan órt boıynsha jedel shaqyrýmen kelgen órt sóndirýshiler aıaqasty qaýipke tap boldy. Janyp jatqan qoranyń ishinde olar ýly jylandardy baıqady, dep habarlaıdy Bı-Bı-Sı.
Assoshıeıted presstiń habarlaýynsha, órt sóndirý tobynyń 85 qyzmetkerine jedel boı tasalaýǵa týra keldi.
Jalyndy óshirý arnaıy shaqyrylǵan jylan aýlaýshy maman jeti jylandy ustap alǵan soń ǵana múmkin boldy. Onyń ishinde úndi ábjylany men eki avstralııalyq taıpan boldy.
Órt sóndirý kúzeti departamenti ókiliniń jýrnalısterge aıtýynsha, reptılııalardyń biriniń uzyndyǵy shamamen 2 metr bolǵan.
Onyń aıtýynsha, bul jylandar tótenshe ýly. Olar Avstrııada mekendemeıdi jáne olardyń ýyna qarsy eldiń klınıkalarynda ý basatyn em joq, dep atap ótti baspasóz hatshysy.
