Avstrııa musylmandary dinı merekelerge demalys surap otyr
ASTANA. 2 sáýir. QazAqparat - Germanııa musylmandarynan keıin Avtrııadaǵy dindes baýyrlar da ile-shala ıslam merekelerin memlekettik deńgeıde atap ótý jaıynda usynys tastap, bastama kóterdi. Bul jaıynda Lenta.rý Der Standart-qa silteme jasaı otyryp, habar taratty.
Avstrııadaǵy Fýat Sanach (Fuat Sanac) dep atalatyn eń iri ıslam uıymdarynyń biri dinı mereke kúnderi musylmandarǵa demalys berilýin talap etti. Atalmysh uıym músheleri meıram kúnderi qulshylyq etýge ýaqyttyń tabyla bermeıtindigin alǵa tartyp otyr. muslim.kz saıtynyń jazýynsha, nemis musylmandary sekildi olardyń avstrııalyq dindes baýyrlary da Qurban aıt pen Oraza aıt meıramdarynda musylmandardyń demalýyna múmkindik berýdi surap otyr. Jergilikti saıasatkerler olardyń bul usynysyna qarsy bolmasa da ony qabyldaýǵa asyǵar emes. Jamaǵat jetekshisiniń sózine qaraǵanda, bul usynys júzege asatyn bolsa, olardyń avstrııalyq qoǵamǵa tez sińisip ketýine septigin tıgizer edi.
Búgingi tańda jergilikti musylmandar dinı mereke kúnderi demalysqa shyǵa almaıdy. Olar tek jumys berýshi kelisimin berse ǵana, bul múmkindikti paıdalana alady. Al musylman oqýshylar dinı meıram kúnderi mektepke barmaýyna ruqsat etilgen.
«Din - árkimniń óz sharýasy» atty bastamany kótergender bul máseleni sheshýdiń basqa jolyn usynyp otyr. Olardyń aıtýynsha, bılik basyndaǵylar el turǵyndarynyń jylyna qansha kún demalatynyn anyqtap, qolaıly kúnderge dinı meıramdardy oraılastyrýy kerek.
