Avstrııa men Qazaqstan saılaýlary arasyndaǵy aıyrmashylyq shamaly - Karl Ollınger
ASTANA. QazAqparat - Avstrııa men Qazaqstannyń saılaý ótkizýdegi aıyrmashylyǵy shamaly ǵana. Bul pikirdi búgin QR Ortalyq saılaý komıssııasynda ótken brıfıngte Avstrııanyń «Jasyldar» partııasynyń múshesi el Parlamenti Ulttyq keńesiniń burynǵy depýtaty Karl Ollınger bildirdi.
«Men Qazaqstanǵa baıqaýshy retinde alǵash kelip otyrmyn. Degenmen, saılaý óte joǵary deńgeıde uıymdastyrylyp jatqanyn aıryqsha atap ótkim keledi», - dedi ol.
K.Ollıngerdiń atap ótýinshe, Qazaqstannyń Ortalyq saılaý komıssııa aldaǵy kezekten tys prezıdenttik saılaýǵa tyńǵylyqty daıyndyq júrgizip otyr. «Mundaı úlken elde saılaý ótkizý aıtarlyqtaı qıyn», - dep qosty ol.
Sonymen qatar Avstrııa men Qazaqstannyń saılaýlary arasynda aıyrmashylyq bar ekendigin, biraq onyń shamaly ǵana ekendigin basa aıtty.
