Avstrııa Majarstan jáne Slovakııamen shekaradaǵy baqylaý-ótkizý beketterin japty

ASTANA. KAZINFORM — Avstrııa aýsyldyń elge enýine jol bermeý úshin kórshiles Majarstan jáne Slovakııamen shekaralas jatqan 20 shaqty beketti japty, dep habarlaıdy Euronews.

Slovakııa seısenbide úsh fermada aýrý anyqtalǵannan keıin tótenshe jaǵdaı jarııalady.

Sársenbide Majarstanda asa juqpaly aýrý sońǵy 50 jylda alǵash ret órshidi. Memleket Slovakııa jáne Avstrııamen shektesetin aımaqta aýrýdyń taralýyna tosqaýyl qoıý úshin birden sarbazdardy jiberip, dezınfektsııalyq sharalardy bastap ketti.

Avstrııanyń Densaýlyq saqtaý organdary Majarstan jáne Slovakııamen shekaradaǵy birneshe ashyq beketti muqııat tekserip jatyr. Vırýstyń taralýyn boldyrmaý úshin kólikter epıdemııalyq kilemdi kesip ótýi kerek. Bul shara shekaradan ótetin jaıaý júrginshilerge de qatysty.

Sonymen qatar, polıtsııa shekara beketterindegi kólikterdi et ónimderiniń bar-joǵyn tekseredi.

Avstrııa bıligi tótenshe jaǵdaı rejımi saqtalǵansha polıtsııa resýrstaryn shekaraǵa shoǵyrlandyratynyn aıtty. Olar shekara qyzmetteri joǵary daıyndyqta bolǵanymen, aýrý olardyń fermalarynyń birinde tabylǵan jaǵdaıda qosalqy nusqalardy da daıyndap jatqanyn atap ótti.

Buǵan deıin Krıstıan Shtoker Avstrııa halyq partııasyna basshylyq etetini belgili boldy.