Avstrııa Gıtlerdiń áke-sheshesiniń molasyn joıyp jiberdi
ASTANA. 31 naýryz. QazAqparat - Avstrııanyń soltústigindegi Leondıng qalasynyń qorymynan neoultshyldardyń táý etý ornyna aınalǵan Gıtlerdiń áke-sheshesiniń molasy joıyldy,
dep habarlady Ýtro.rý.
Jergilikti dinı qyzmetker Kýrt Pıttershatsherdiń aıtýynsha, sársenbi kúni qulpytas alynǵan. Biraq eksgýmatsııa júrgizilmegen. Qorymdaǵy zırat orny basqa qaıtys bolǵan adamdy jerleýge beriledi.
Ońshyl ekstremısterdiń táý etý ornyna aınalǵan zıratty joıý týraly usynysty buǵan deıin qalanyń kóptegen turǵyndary, fashızmge qarsy azamattyq bastamanyń jergilikti bólimshesi, Maýthaýzen komıteti jáne qala bıligi talap etken bolatyn. Zıratty joıýǵa fıýrerdiń alys aǵaıyndarynyń biri ruqsat bergen, biraq ol qorymdaǵy telimge ıelik etý quqyǵynan bas tartqan.
Aıta keteıik, Aloıs Gıtler 1903 jyly, al Klara Gıtler 1907 jyl qaıtys bolǵan edi.
