Avstrııa, Germanııa EQYU sammıtin ótkizýdi qoldaıdy - respýblıkalyq basylymdarǵa sholý

«Elimen etene Elbasy» degen sóz tirkesi qazir jıi aýyzǵa alynady. Osy sózdiń aqıqattyǵyna Prezıdent Nursultan Nazarbaevtyń 2009 jyly qarashanyń 13-inde ótkizgen «tikeleı telejelisi» aıshyqty aıǵaq bola alady. «Egemen Qazaqstan» gazetiniń búgingi nómirinde el ómirindegi orny ózgeshe bolǵan sol oqıǵanyń jaı-japsary, qorytyndylary jarııalanyp, jurtshylyq pikirleriniń túıindeme sózderi berilip otyr. Basylymnyń jazýynsha, Memleket basshysynyń atyna kelip túsken saýaldar men ótinishterdiń jalpy sany - 44452 (bul 2007 jylǵy Internet-konferentsııa kezindegiden 8 ese kóp). «Tikeleı jeli» ótken ýaqytta is-sharanyń saıtyna 110 myńnan astam adam kirgen. Álemniń 87 elinen shamamen 1 mıllıondaı adam saıtqa kirip, jaýaptardy qarap, tanysqan. Suraqtar sanynyń asa kóp bolǵanyn eskere kele, «tikeleı jelini» ótkizý kezinde kelip túsken azamattardyń suraqtarymen jáne ótinishterimen muqııat tanysý jumysy tek 2010 jyldyń qańtarynda ǵana tolyq aıaqtalǵan. Tikeleı jelige qatysty maqalalar toptamasmen eten tanysqyńyz kelse basylymnyń búgingi nómirine nazar salyńyz.

Elbasynyń qatysýymen ótken tikeleı jeliniń qorytyndysy «Aıqyn» gazetinde de jarııalandy. «Suraqtar men ótinishterdiń jalpy sanynyń 15 myńdaıy www.line.gov.kz Internet saıtyna, 17 myńy - telefon arqyly, 3 myńy - vopros@akorda.kz elektrondyq poshta arqyly, 9,5 myńy SMS júıesi arqyly kelip túsken. Óńirlik úlesi boıynsha suraqtardyń kóbi Astana (4986) men Almaty (3569) qalalarynan, Almaty (3170), Ońtústik Qazaqstan (3077) oblystarynan kelip túsken (1-dıagramma)», dep jazady basylym.

Sondaı-aq Elbasymen ótken tikeleı jeliniń qorytyndysy «Kazahstanskaıa pravda», «Ekspress-K», «Lıter» gazetterinde de jarııalandy.

«Germanııa Eýropa sammıtin ótkizýdi qoldaıdy». «Keshe Qazaqstan Respýblıkasynyń Prezıdenti Nursultan Nazarbaev german tarabynyń bastamasy boıynsha GFR Kantsleri Angela Merkelmen telefon arqyly sóılesti», dep jazady «Egemen Qazaqstan» gazeti. Basylymnyń jazýynsha, Angela Merkel Nursultan Nazarbaevty Qazaqstannyń EQYU-ǵa tóraǵalyǵy bastalýymen quttyqtady. Óz kezeginde, Memleket basshysy Kantslerge Germanııanyń Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyq etýine kórsetken kómegi jáne EQYU Sammıtin Astanada ótkizý týraly qazaqstandyq bastamany qoldaǵany úshin alǵysyn jetkizdi. Eki eldiń lıderleri atalǵan kezeńde alda turǵan sammıttiń mazmundy bóligin naqtylaý jóninde jumystar júrgizý qajettigin atap ótti.

«Egemen Qazaqstan» gazetiniń jazýynsha, keshe Úkimet úıinde Premer-Mınıstr Kárim Másimovtiń tóraǵalyǵymen «Astananyń Jańa ýnıversıteti» AQ dırektorlar keńesiniń besinshi otyrysy ótti. Otyrysta ýnıversıtettiń uıymdastyrý is-sharalary, sondaı-aq, jetekshi seriktes JOO-men jáne ǵylymı ortalyqtarmen halyqaralyq yntymaqtastyqty ornatýǵa qatysty usynystar qaraldy. Otyrys sońynda Premer-Mınıstr Astananyń Jańa ýnıversıtetiniń basshylaryna oqý ornynyń qyzmetine qatysty birqatar tapsyrmalar berdi.

Keshe QR Premer-Mınıstri Kárim Másimov bıatlonnan Qazaqstan quramasynyń múshesi Elena Hrýstalevany Vankýverdegi qysqy Olımpııalyq oıyndarda kúmis medaldi jeńip alýymen quttyqtady. «Egemen Qazaqstan» gazetiniń búgingi sanynda jaryq kórgen quttyqtaý hatynda «Siz jeńip alǵan júlde bizdiń bárimiz úshin qymbat. Bul - qazaqstandyqtardyń qysqy Olımpıadada on eki jyldyq úzilisten soń qol jetkizgen olımpıadalyq medali. Sizdiń sporttyq erligińiz otandyq sporttyń dańqty jylnamasynyń taǵy bir jarqyn paraǵyna aınalady», delingen.

«Alash aınasy» gazetiniń búgingi nómirinde «Avstrııa EQYU sammıtin ótkizýdi qoldaıdy» degen taqyryppen maqala basyldy. Basylymnyń jazýynsha, keshe EQYU Parlamenttik Assambleıasynyń Venadaǵy Qysqy sessııasyna qatysyp jatqan QR Parlament Senatynyń tóraǵasy, EQYU Parlamenttik Assambleıasynyń vıtse-prezıdenti Qasym-Jomart Toqaev Avstrııa ulttyq keńesiniń basshysy Barbara Prammermen kezdesken. Kezdesý barysnyda ekijaqty, onyń ishinde eki eldiń zań shyǵarýshy organdary arasyndaǵy qatynastardy belsendirý joldary talqylanǵan. «B.Prammer óz kezeginde eki el arasyndaǵy yntymaqtastyqty nyǵaıtý jaıynda aıta kelip, 2010 jyly EQYU sammıtin ótkizý týraly usynysty qoldaıtynyn bildirdi», dep jazady basylym.

«Bombapanadan shyqqan órt Bojkony jerge qaratty». Osy taqyryppen «Alash aınasy» gazetinde jarııalanǵan maqala Úkimettiń keshegi otyrysyna arnalǵan. Onda Astanadaǵy bombapanada bolǵan órttiń saldarynan úsh azamattyń qaza bolǵandyǵy, Úkimet basshysynyń olardyń týǵan-týystaryna kóńil aıtqandyǵy jaıynda jazylǵan. Qaıǵyly habarmen bastalǵan Úkimet otyrysy jaıynda basylymnyń búgingi sanynan egjeı-tegjeıli oqı alasyzdar.

«Aıqyn» gazetiniń de nazaryna ilikken Úkimettiń keshegi otyrysy jaıynda keńinen jazylǵan maqala «Ulttyq ustanymnan taban aýdarmaýǵa tyrysady» degen taqyryppen jarııalandy. «Jalpy, odaqtastarymyz sanalatyn qos slavıan jurty jaǵynan Qazaq elin kinálaǵan sypsyń sózder sońǵy kezde kóp estilip ketti. Osylarǵa moıydy ma, keshe K.Másimov kelesi aptada elimizdiń ońtústik shegaralaryn tas bekitý isin qarjylandyrý máselelerine arnap, Úkimette jeke keńes shaqyrýǵa nusqaý berdi. «Tıisti dárejede shegaramyzdy kúzetýge jáne kedendik rásimdeýdi qamtamasyz etýge tıispiz. Áıtpese, Kedendik odaqqa múshe elderde «sur», zańsyz ımport bizdiń shekaramyz arqyly ótip ketip jatqandyǵy jóninde áńgime aıtylýda» dep túıdi Úkimet basshysy», dep jazady basylym.

Májilis janyndaǵy Qoǵamdyq Palatanyń keshegi otyrysyna arnalǵan kólemdi maqala «Dıachenko qazaqsha sóıledi, Dosqalıev keshigip keldi...» degen «Aıqyn» gazetiniń senbilik sanynda basyldy. Basylymnyń jazýynsha, Elbasynyń bıylǵy Joldaýy talqy tarazysyna salynǵan jıynda memlekettik tildiń mereıin asyryp, mártebesin tasytýdy qup kórgen Palata tóraǵasy S.Dıachenkonyń úni qazaq tilinde shyqqan. «Tóraǵadan keıin memlekettik tilde sóılegendi ádepsizdik dep uqqan orynbasar M.Nárikbaev resmı tilde Úkimetti «soıyp» saldy. Palata múshesi O.Sábden «Qazaqstanda aqsha jetedi!» dep dúńk etkizse, onyń áriptesi M.Eleýsizov «...Muny men Elbasynyń ózine de aıttym» dep áldeneniń shetin shyǵardy. A.Jaǵanova «Mıllıondarǵa Brıtnı Spırs sekildi ... óı, jaman sóz aıtqym keldi» dep jınalǵandardy qyran-topan qylsa, sońǵy kezde basynan bult arylmaı júrgen Densaýlyq saqtaý mınıstri J.Dosqalıev otyrysqa keshigip keldi», dep jazady basylym.

«Aıqyn» gazetiniń dástúrli «Aq sóıle!» aıdarynyń búgingi qonaǵy - aqyn, qoǵam qaıratkeri Oljas Súleımenov. «Men úshin halqymnyń bas amandyǵy bárinen joǵary» degen taqyryppen jaryq kórgen ekeýara áńgime barysynda aqyn basylym tisiniń saýaldaryna tuşymdy jaýap bergen. Suhbat barysynda aqyn «Meniń paıymdaýymsha, ázirge qazaqstandyq bolmys aqıqatyn, onyń ishinde bılik qyzmetin baǵalaý, boljaý jáne halyqtyń bolashaq jospary jaıly pikirler basqa memleketterdegi jaǵdaılardy eskere otyryp jasalǵany durys. Ásirese, ótken tarıhymyzdyń birligi boıynsha da ózimizge etene jaqyn TMD respýblıkalarymen salystyrsaq qatelespeımiz», dep óz oıyn bildire ketken.

«Astana aqshamy» gazetiniń búgingi sanynda aqpannyń 17-inde tańerteń elordadaǵy bombapanada bolǵan órt jaıynda keńinen jazylyp, qaza tapqan úsh azamattyń ómirbaıandaryn qosa jarııalanǵan. Sonymen qatar qala basshysy Imanǵalı Tasmaǵambetov osy basylym arqyly atalǵan azamattardyń týǵan-týystaryna kóńil aıtqan.

Al «Vechernıaıa Astana» gazetiniń jazýynsha, búgin qalalyq máslıhattyń kezekten tys sessııasy ótip, onda qaza tapqan azamattardyń otbasyna materıaldyq kómek kórsetý másele qaralmaq.

Osy basylymnyń dástúrli «Áleýmet saýaly - ákim jaýaby» aıdarynda Astana ákiminiń elorda turǵyndarynyń qoıǵan saýaldaryna bergen jaýaby jarııalandy.

Elena Hrýstaleva Vankýverde ótip jatqan qys olımpıada oıyndarynyń kúmis júldegeri. Osy jaǵymdy jańalyq búgin jaryq kórgen merzimdi basylymdardyń bárlyǵynda derlik jarııalandy.

«Sportshynyń kúmisi Vankýverdegi alǵashy júlde ǵana emes, sonymen birge qazaqstandyq bıatlon tarıhyndaǵy alǵashy medal», dep atap ótken «Kazahstanskaıa pravda» gazeti. El sportshysynyń jetistigi jaıynda «Alash aınasy», «Aıqyn», «Astana aqshamy», «Egemen Qazaqstan», «Ekspress», «Ekspress-K», «Lıter», «Vremıa», «Vechernıaıa Astana» basylymdarynan da egjeı-tegjeıli oqı alasyzdar.