«Avstrııa áýe jelileriniń» jerdegi qyzmetteri jalaqyny kóterýdi talap etýde
VENA. 18 jeltoqsan. QazAqparat /Tımýr Bekturǵanov/ - «Avstrııa áýe jelileri» kompanııasynyń jerdegi qyzmetteriniń kásipodaq ókilderi atalmysh avıaoperatordyń 2,5 myńnan astam qyzmetkeriniń jalaqyny kóterý týraly talappen ereýil ótkizýge ázirlenip jatqany týraly málimdep otyr,
dep habarlaıdy avstrııalyq buqaralyq aqparat quraldary.
Kompanııa qyzmetkerleri men basshylyǵynyń arasyndaǵy janjal, «Avstrııa áýe jelileriniń» eldegi ınflıatsııanyń ósýine baılanysty jalaqylaryna eki paıyzdyq ústeme suraǵan jerdegi qyzmetterdiń talaptaryn oryndaýdan bas tartýyna baılanysty týyndap otyr. Kompanııa basshylyǵy qyzmetkerlerden 2012 jylǵa deıin jasalǵan kelisimsharttyń oryndaýlaryn talap etýde. «Avstrııa áýe jelileriniń» ustanymy boıynsha, kompanııa óz qyzmetkerleriniń jalaqylaryn tek 2012 jyly ǵana kótere alady.
Jeltoqsan aıynyń bas kezinde ótken ishki konsýltatsııalardyń qorytyndysy boıynsha, kompanııanyń jerdegi qyzmetteriniń kásipodaǵy kelissózderdi toqtatty, biraq rojdestvolyq merekeler men jańajyldyq demalys kúnderi kezeńinde burynǵy rejımde jumystaryn jalǵastyrý týraly sheshim qabyldady. Kásipodaq ókilderiniń aıtýynsha, ereýil 2011 jyldyń qańtar aıynda ótkizilýi yqtımal.
