Avstralııanyń ońtústiginde 11 myń gektar orman órtenip ketti
ASTANA. QazAqparat - Avstralııanyń ońtústiginde Adelaıda qalasyna jaqyn mańda 11 myń gektar orman otqa orandy, dep jazady TASS. Sondaı-aq bir tún ishinde 30-dan asa turǵyn úıdi de órt shalǵan.
Belgili bollǵandaı, myńdaǵan jergilikti turǵyn qala mańyndaǵy arnaıy uıymdastyrylǵan ýaqytsha baspanalarǵa baryp túneýde.
Tilsiz jaýmen qazirgi kezde 2 myńnan astam órt sóndirýshi kúresip jatyr, sondaı-aq 14 ushaq pen tikushaq ta jumyldyryldy. Alaıda jeldiń qatty soǵyp, baǵytyn ózgerte berýiniń kesirinen órtti aýyzdyqtaýǵa múmkindik bolmaı otyr. Sondaı-aq Adelaıdada keshe aýa raıy plıýs 40 gradýsty kórsetse, búgin 31 gradýs ystyq bolady dep kútilýde.
