Avstralııanyń 6 birdeı shtatynyń premer-mınıstri ІІІ Charlz patshamen kezdesýden bas tartty

LONDON. KAZINFORM - Avstralııanyń Jańa Ońtústik Ýels, Vıktorııa, Kvınslend, Batys Avstralııa, Ońtústik Avstralııa jáne Tasmanııa shtattarynyń 6 premer-mınıstri osy elge at basyn burǵan Charlz patsha jáne Kamılla patshaıymmen ótetin kezdesýge qatyspaıdy.

Bul jańalyq Avstralııalyq monarhısterdiń narazylyǵyn týdyrdy, dep habarlaıdy Kazinform tilshisi.

Avstralııa monarhıster lıgasynyń qyzmetkeri Bev Makartýr: «Respýblıkalyqtar bas kıimderin sheshken soń patsha jubymen sálemdesip, Avstralııaǵa kelgenińiz úshin rahmet dep aıtsa bolady ǵoı», - dep óziniń renishin jetkizdi.

Býkıngem saraıy bul jaǵdaıǵa qatysty qandaı da bir túsinikteme berýden bas tartty. Deıturǵanymen is-sharada Avstralııa shtattarynyń atynan olardyń gýbernatorlary qatysady. Sonymen qatar patshany Avstralııanyń premer-mınıstri Entonı Albaneze resmı túrde qabyldaıdy.

Bul daý Avstralııanyń monarhııa retindegi bolashaǵy týraly pikirtalastardy qaıta jandandyrdy. Keıbireýler bul respýblıkalyqtardyń patshany jaqtyrmaıtyndyǵynyń taǵy bir dáleli retinde qabyldady. Buqaralyq aqparat quraldary qazirgi Avstralııadaǵy monarhııanyń ózektiligi taqyrybyn qaıta qaýzaı bastady.

Patshanyń sapary Ulybrıtanııa men Avstralııa arasyndaǵy qarym-qatynasty nyǵaıtýǵa baǵyttalǵan, biraq shtat premer-mınıstrleriniń bolmaýy eki el arasyndaǵy qarym-qatynasqa syzat túsirgeni ras.