Avstralııalyqtar Qytaıǵa taza aýa jetkize bastady
ASTANA. QazAqparat - Avstralııalyq kásipker Djon Dıkınson men Teo Rýıgrok aýa satý bıznesin bastady. Olar temir qalbyrǵa aýa jınap, ony Avstralııadan Qytaıdyń qorshaǵan ortasy lastanǵan jerlerine jetkizedi. Mashable saıtynyń jazýyna qaraǵanda, bir qalbyrdaǵy taza aýa 130 ret tereń dem alýǵa jetedi.
Aýany Ońtústik Ýelstiń Kógildir taýlarynan, Bondı jaǵajaıynan, qurlyqtyń iri týrıstik ortalyqtarynyń biri - Gold-Kost qalasynan jetkizedi. Qytaılyqtar bir banki aýany shamamen 20 dollarǵa satyp alady.
Avstralııa aýasymen tynystaý úshin ár qutyǵa qosa berilgen betperdeni paıdalaný jetkilikti. Bıznesmender aýa zararsyzdandyrylǵan jabdyq kómegimen alynatynyn, sapa baqylaýynan ótetinin atap ótken.
Qytaılyq saýdager Vıvıan Chjoýdyń aıtýynsha, aýanyń lastanýy - el úshin úlken problema ekenin, al satyp alýshylar avstralııalyq aýany jaqsy kóredi eken.
