Avstralııalyq tennısshi Stosýr qatarynan tórtinshi ret Olımpıadaǵa qatyspaq
ASTANA. QazAqparat - Tennısten 2011 jylǵy AQSh ashyq chempıonatynyń jeńimpazy avstralııalyq Samanta Stosýr Rıo-de-Janeıroda - óziniń tórtinshi Olımpıadasynda baq synaıdy.
Bul týraly Avstralııa ulttyq olımpıada komıtetiniń baspasóz qyzmeti málim etti, - dep habarlaıdy TASS.
Eń alǵash 2004 jylǵy Olımpıada oıyndaryna barǵan S.Stosýr tórt olımpıadaǵa qatysqan tuńǵysh avstralııalyq sportshy retinde tarıhta qalmaq. Áıelder tennısi qaýymdastyǵy (WTA) reıtınginde 16 qatarda turǵan 32 jastaǵy tennısshi jekeleı jáne jup synda saıysqa túsedi.
2016 jylǵy Olımpıada oıyndary 5-21 tamyz kúnderi ótedi.
