Avstralııalyq Qantas álemdegi eń qaýipsiz áýekompanııa atandy
Álemniń eń qaýipsiz áýekompanııalary reıtıngisine 150 shaqty kompanııa endi. Sonyń ishinde eń úzdigi - Avstralııanyń Qantas kompanııasy, dep habarlaıdy dw.com.
Airlineratings taldaý agenttigi úshinshi jyl qatarynan Avstralııa áýekompanııasy Qantas-ty álemdegi eń qaýipsiz áýe tasymaldaýshysy retinde moıyndady. Álemdegi 407 avıakompanııa qyzmetin saraptaǵan mamandar reıtıng jasady, onda qaýipsizdik salasynyń eń joǵary 7 balyn 148 kompanııa ıemdengen. Al, qazaqstandyq «Eır Astana» 7 baldyń 5-ýine ıe bolǵan.
Úsh jáne onan da tómen ball alǵan 50 áýekompanııasy reıtıngtiń tómengi qatarynan oryn aldy.
Reıtıng jasalǵanda ushyrylymnyń jaılylyǵy jáne qaýipsizdigin qamtamasyz etý sharalaryn uıymdastyrý, ushaqtardy udaıy jańartý, olar ornalasqan áýejaılardyń deńgeıi esepke alynǵan.
Sondaı-aq avıatsııalyq aýdıt uıymynyń derekteri, qaıǵyly jaǵdaılar statıstıkasy eskerilgen.
