Avstralııalyq polıtseıler 12 kún boıy shólde adasqan áıeldi qutqardy
NUR-SULTAN. QazAqparat - Avstralııa polıtsııasy 12 kún boıy shólde aptap ystyq astynda qalǵan áıeldi qutqardy, dep habarlaıdy VVS.
Onyń tiri qalýyna ózimen birge ala ketken azyq-túliginiń septigi tıgen. Abyroı bolǵandaa tamaq pen sý taýsylǵan kezde áıel men qasyndaǵy eki serigine jańbyrdan keıin qalǵan sýatty tabýdyń sáti túsken.
Biraq avstralııalyqpen birge erip júrgen eki er adamdy 13-kúnnen beri taba almaı jatyr.
52 jastaǵy Makbıt-Raılı men onyń eki serigi - Fý Tran jáne Kler Hoksrıdj 19 qarashada Avstralııanyń Soltústik aýmaǵynda ornalasqan shaǵyn Elıs-Sprıngs qalasynan saparlaýǵa shyqqan.
Olar shólge jol tartqan. Biraq aıaq astynan avtomobılderi sýy tartylǵan ózende batpaqqa batyp qalady.
Tamra Makbıt-Raılı jýrnalısterge alǵashqy úsh kún boıy qansha áreket jasaǵandarymen mashınany shyǵara almaǵandyqtaryn aıtty.»Kúndiz óte ystyq boldy. Biz avtomobıldiń astyndaǵy qumdy qazyp, aptaptan qorǵanýǵa tyrystyq»,-dedi ol.Saıahatshylardyń alty lıtr sýy, pechenesi jáne et salynǵan kespesi bolǵan. Tamaqtary taýsylǵan soń olar amal joq sý izdeýge bel býady. Eı-bı-sı korporatsııasynyń habarlaýynsha, álgiler ózderiniń qaı baǵytqa bet alǵandyqtaryn jazyp, mashınaǵa qaldyryp ketken. Avstralııanyń Soltústik terrıtorııasynyń polıtsııasy joǵalǵan saıahatshylardy izdeýge tikushaq jiberdi. Olar Makbıt-Raılıdi mashınadan birjarym shaqyrymdaı jerden tapty. Áıel shuǵyl aýrýhanaǵa jetkizildi. Onyń qalǵan eki serigin izdeý jumystary jalǵasýda.
