Avstralııalyq otbasy 2014 jyly bolǵan Malaysia Airlines ushaqtarynyń eki apatynda týystarynan aıyryldy
ASTANA. QazAqparat - Avstralııalyq Iren men Djordj Barroýzdar 2014 jyly bolǵan Malaysia Airlines ushaqtarynyń eki apatynda da otbasy múshelerinen aıyrylyp otyr, dep habarlaıdy The Independent.
Olardyń balasy men kelini bıyl kóktemde Úndi muhıtynda iz-tússiz joǵalyp ketken MH370 ushaǵynda bolǵan. Keıin olardyń nemeresi óziniń kúıeýimen birge 17 shilde kúni Ýkraınada apatqa ushyraǵan Amsterdam - Kýala-Lýmpýr baǵytyndaǵy MH17 ushaǵy qurbandarynyń tizimine endi. Otbasynda osyndaı qaıǵyny bastan keshken qart jubaılar BAQ ókilderine suhbat berýden bas tartyp otyr. Aıta keteıik, ushaqtyń bortynda 28 avstralııalyq bolǵandyǵy anyqtaldy. Áýe apatynan qaza tapqan kisilerdiń tiziminde Iren men Djordj Barroýzdardyń týystary engen. "Boıng" ishinde jalpy 283 adam boldy.
