Avstralııalyq oqýshylar sabaqty turyp oqıtyn boldy
ASTANA. 25 jeltoqsan. QazAqparat - Avstralııanyń Melbýrn qalasynda tómengi synyp oqýshylary sabaqty turyp oqıtyn boldy. Bul - balalardy semizdik pen jalqaýlyqtan qorǵaý úshin qolǵa alynǵan joba.
«Turyp daıyndalamyz» dep atalatyn oqý baǵdarlamasy Mont Albert mektebinde engizildi, dep jazady «Alash aınasy» basylym. Meddaily.ru-dyń habarlaýynsha, eki aı buryn synyptarǵa bıik ústelder qoıylǵan. Oqýshylar sabaqty sol ústelderge súıenip turyp oqıdy. Otyrǵysy kelgen balalarǵa ruqsat beriledi. Pedagogtardyń aıtýynsha, bul ádis oqýshylardyń sabaqty jaqsy ıgerýine oń áser etedi ári gıperbelsendi balalar úshin óte qolaıly. «Eń bastysy, jańa jobanyń kómegimen balalar arasyndaǵy semizdik aýrýynyń aldyn alýǵa bolady. Turyp turǵan kezde bulshyqet kóp qozǵalyp, qan aınalymy jaqsarady, aǵza sharshamaıdy. Al otyrý sýsamyr, júrek-qan tamyrlary aýrýy qaýpin týǵyzýy múmkin», - deıdi avstralııalyq mamandar.
